Movemento Vente Venezuela na Aruba ta un grupo ciudadano cu ta duna apoyo n’e candidatura di Maria Corina Machado. Segun e coordinador di organisacion di Vente Venezuela, Yenny Castro, nan tin un invitacion pa diadomingo 22 di october na Centro di Bario Playa Pabao, pa tur e 1590 Venezolanonan cu ta registra na Aruba pa vota, deposita esaki y por scoge e candidato cu nan kier pa representa nan p’e eleccion presidencial di Venezuela.
PAKICO VOTA PA MARIA CORINA MACHADO
Maria Corina Machado, tabata e unico persona cu a enfrenta e defunto Hugo Chavez y t’e unico candidato a presenta un plan di gobierno unda su proposito t’e recuperacion di e recursonan di Venezuela.
Un di e plannan ta e reunificacion familiar. Miho bisa, cu lo por brasa e famianan na Venezuela y lo bay haci e nomber di Venezuela limpi, cual lo duna internacionalmente e confiansa. Unabes reestablece e confiansa aki, Venezuela lo bira e mesun prospero di antes, y miho ainda, segun Castro.
PROCEDEMENTO
E procedemento ta basta facil. Bo mester bin cu solamente bin cu un cedula of paspoort, sea vigente of expira y presenta diadomingo, dia 22 di october, for di 8:00 am te cu 4:00 pm na Centro di Bario Playa Pabao, caminda cu bo por deposita bo voto, si bo ta registra.
Tambe esey a crea hopi duda, segun Castro, encuanto si e ciudadano ta aparece como registra of no. E comision nacional di primaria a crea un plataforma cu ta yuda e persona ubica si e ta aparece den e lista electoral.
Simplemente busca riba www.buscadorprimaria2023.com, hinca e datonan, e number di cedula y e fecha di nacemento y si e ta pidi un codigo, pasobra automaticamente e ciudadano ta registra.
Tambe ta hopi importante resalta cu no solamente e personanan cu a actualisa e datonan den e luna di juli, por vota.
Sino tambe tur esunnan cu den algun momento a haci un cambio di residencia cu den algun momento den pasado a participa den un eleccion di Venezuela na Aruba, tambe ta aparece den e lista electoral, pasobra ta inscribi den e CNE.
Pa mas detaye lesa TREMPAN.
