Comunidad ta rabia debi na desicionnan tuma den e ultimo dianan aki. Un di e decisionnan aki ta e ceramento di supermercado. Esaki a haci cu a forma fila largo pa haya oportunidad pa haci compras.
Dia 29 di maart gobierno a anuncia cu orario di ciere tabata 9:00 pm, sinembargo dia 1 di april abruptamente a haci un cambio lagando tur hende den un desesperacion pa nan compras.
Local:Un ciudadano local a expresa ta di pensamento cu e decision di cera supermarket no tin logica y no ta cuadra cu realidad. Minister Maduro no ta un ‘business woman’, pues e no sa kico ta pasando den momentonan aki. Localnan ta pensa cu tur negoshi ta sufriendo, tumando decision asina ‘ki ta con nos ta bay recupera?
Ta purba evita contagio pero asina mes barnan ta keda habri, siendo cu ta alcohol ta e causante mas grandi di contagio. No por cera comercio si nos ta depende di turista.
Hopi turista ta haci nan compras na momento cu nan yega. Prome cu Minister Xiomara a tuma e decision, e mester a sinta consulta cu esunnan envolvi den turismo. Turista:“Una locura”, tabata expresion di un turista. E ta compronde cu restaurantnan tabata un di esunnan mas afecta pero e ora ta bin e pregunta:”Dicon supermarket?” E turista a comenta cu el a yega ayera y e filanan ta exageradamente largo. E ta sinti cu e decision ta afecta tanto bishitante como local. Decision tuma no ta evita pa tin aglomeracion.
