Alzheimer ta un malesa fatal, segun dr. Maritza Ordoñez di Departamento di Salubridad Publico. Si nos bay bek pa e famosonan cu a fayece na mundo cu Alzheimer, tin cu nombra, pasobra no por lag’e atras.
Margaret Tatcher, Ronald Reagan, kende a fayece cu e tabata presidente di Merca door di Alzheimer. E complicacionnan di Alzheimer ta severo. E ta dramatico pa e famia, no solamente pa e pashent. Otro biaha e ta wordo yama e Malesa di Olvido. Pasobra bo no sa ken bo ta of kico tin rond di bo mes. E sufrimento ta mas grandi pa e famia.
Complicacion di Alzheimer
E pashentnan cu Alzheimer, door di otro malesa acerca, por haya por ehempel un infarto celebra. No tin cu lubida cu ta celnan cu ta distrui, celnan of nervio di e celebro cu ta wordo distrui y dado momento door di e mesun complicacion rond di dje, e persona cu no ta cana of papia of no ta tende mas, persona cu no sa mas di dje, por haya otro complicacion y lo mas sigur ta morto. Pashentnan cu Alzheimer tin hopi complicacion. Lo mas importante ta cu si nos purba di logra pa prome cu e ta grave, cu e ta cronico, tin un chens pa bay e caminda cu e tin cu bay, dokter di cas, kende ta manda un verwijsbrief pa e specialista, e specialista ta mande Centro di Memoria. Eynan ta haci cierto test, incluyendo resonancia of MRI den su cabes y e neurologo por saca afo precisamente unda y ki parti di e lobulo di e celebro ta afecta. For di eynan ta sigui e procedura y tratamento pa bira menos, pa minimalisa e sintomanan.
Atencion constante
Constantemente mester tin atencion pa un persona asina 24 ora pa dia pa su movecion. Segun dr. Ordoñez, Alzheimer, hunto cu otro malesanan cronico ta dramatico. Pa motibo di e drama pa e famia, drama pa e cuidadornan, pa e persona cu tey 24 ora. Tin cu agrega cu ta danki na Centro di Cuido di hendenan grandi cu cuida nan. Un persona cu probablemente ta wordo interna den un cas di cuido y tin Alzheimer, esaki ta un peso hopi grandi. Si ta prepara e centro di cuido pa un hende cu Alzheimer, ta duda. Pero ya solamente e gran ayudo cu nan ta brinda e pashent, di cuid’e, di dun’e cuminda, di bañe y tene entrenteni ta hopi. Loke si tin cu haci ta pa duna un man, duna mas informacion, kico tin cu haci, tin cu keda den cada luga cu tin hende grandi cuidando, tin cu keda un grupo pa haci obranan di man, pa mantene e grandinan bezig, hunga domino, yena buki, lesa buki, lesa corant pa nan, pone radio, pone television. Tur esaki ta un estimulo y ta un ayudo pa e pashent cu Alzheimer.
