Departamento di Labor y Investigacion ta informa cu e Comision di Retiro ta bay cu vacacion di 14 december 2017 te 17 di januari 2018. Director di Departamento di Labor y Investigacion ta ricibi conseho di Comision di Retiro cu ta delibera ariba tur peticion di retiro entrega na Departamento di Labor y Investigacion pa un of mas doño di trabao cu e meta pa por ricibi un permiso pa termina un relacion di trabao cu un of mas trahado.
Un comision independiente cu ta consisti di representantenan di organisacion di doño di trabao y representantenan di e mundo di sindicato ( Artikel 3 Landsverordening Beëindiging Arbeidsrelatie). Ta pidi tur cliente di Departamento di Labor y Investigacion cu tin caso relaciona cu e permiso pa tene na cuenta cu e Comision di Retiro ta bay cu vacacion di 14 december 2017 te 17 di januari 2018. Tur peticion pa por termina un relacion di trabao ta keda den proceso. Casonan cu ta rekeri pa bay Comision di Retiro y ku ta pendiente di e proceso di contradeci (verweerproces) lo mester tene cuenta cu un retraso den esaki.
Na januari 2018 lo entrega tur caso pendiente na Comision di Retiro.
