Diasabra ultimo Colegio San Augustin mavo a tene su Opendag pa pueblo di Aruba. Tabatin presentacion di materianan manera Hulandes, Papiamento, informatica, ciencia y tecnologia, geografia y historia, matematica y biologia.
Colegio San Augustin kier a gradici tur maestro cu a pone nan mes disponibel y dispuesto pa duna presentacion di nan materia.
Tambe nos kier a gradici e mayornan y muchanan cu a presenta pa asina cera conoci cu nos scol y naturalmente conoce pa nan mes kico tur Colegio San Augustin tin pa ofrece.
Nos ta pidi pueblo di Aruba keda pendiente pasobra lo tin hopi mas informacion di Colegio San Augustin na caminda pa tur alumno cu ta den 5e y 6e klas basisschool.
