Tin cos cu ta pasando den Serlimar cu e trahadonan no por mas. For di marduga caba tin tension na Serlimar, unda cu mester a pidi asistencia di polis.
Fuera di esey trahadonan a indica cu no lo habri porta di e cura. Pero cu mashin, a corta e candal y a habri esaki.
Segun Yuri Schwengle, shopsteward di STA, a comenta cu fo’i diabierna caba nan kier a pone trabao abao, pero a dicidi cu ta wanta pa dialuna.
Ta cosnan pasando cu a bisa cu no por mas. Minister Ursell Arends a bin dialuna marduga, pero esey no a yuda mucho. Segun Schwengle no tin Raad van Toezicht. Tin un director adhunto cu no sa net nada di e compania estatal. Tanten cu ta hayando subsidio di gobierno, Serlimar ta keda un compania estatal cu tin cu keda recoge sushi, cu of sin bari.
Awo ta dunando e trahadonan mas trabao. Si nan coy e bari, e hendenan pone saco di sushi, nan mester coge. Pa ley nan tin cu coy e sushi.
Awo ta recoge bari di otro compania y esey no por. Loke cu e trahadonan kier pa tuma e decision y saca e persona aki. Si keda cu ne, e mes ta caba di coba nan graf.
Pa cobertura mas amplio lesa edicion di TREMPAN mañan.
