Colegio EPI e aña aki ta celebra 25 aña di su existencia, pa cual el a dicidi di participa mas activamente na Carnaval.
Tabata diasabra 14 di januari ultimo, cu Colegio EPI a organisa nan eleccion di reina den Entertainment Center. Un eleccion organisa pa e Bo-Groep di Unit Economia, cual ta trata di ocho studiante. E preparacion pa e evento a cuminsa for di algun luna pasa. E ta un tarea pa e materia di Bewegingsonderwijs (BO) cual tin como meta pa engrandece e parti di organisatie en leiding. Na final, e studiantenan ta recaudando fondo pa un studie reis den luna di februari.
Despues di esey, ambos reina a dicidi cu nan ta bay stadion y asina tambe nan a confirma nan participacion. Pero tambe tabatin un alumno di EPI Hospitality cu a participa den un otro faceta di Carnaval, cual tabata festival di Tumba Hubenil como tambe Calypso & Roadmarch Hubenil. Ta trata aki di Jorienne Angela cu rib’e anochi aki a sa cay den premiacion den tur tres categoria, pero tabata den e categoria di Calypso & Roadmarch hubenil cu el a sa di bay cu e titulo maximo, como ‘Queen Gigi.’
Sigur un bunita reconocimento pa e monarcanan di EPI! Nan a sa di saca cara di nan scol! Pabien Colegio EPI!
