Awe coleganan a tuma despedida di nan amigo stima Jorge Patiño miho conoci como Coco.
Coco a cuminsa cu Caribbean Overseas na aña 2000, el a traha como helper riba truck, a traha den cooler, departamento di repack y ultimo como checker.
Coco tabata un gran ser humano y colega. Semper Coco tabatin un bunita palabra pa cada un di su coleganan y un sorinsa na tur momento. Semper cu un bon conseho pa mehoracion di e trabou, dispuesto pa coopera na tur momento.
Na e momentonan aki ta realisa con afortuna nan tabata di por a comparti parti di nan bida cu Coco.
“Nos ta keda cu un inmenso tristesa den nos curason pero conforme cu boluntad di Dios. Semper nos lo keda corda Coco, sosega na paz nos Coco stima,” tabata expresion di su colega y amigonan. Palabra di condolencia na famia.
