Un señora a aserca 24ora.com pa denuncia contra un señora cu ta cabando cu su pasenshi. Un señora kende ta bisa di ta “casa” di un funcionario policial.
Sra. Marie Francois tin un apartamento cu el a pone na huur y pa su mala suerte, e ta bisa, a hala atencion di un señora Lidienne Vrolijk. Ya caba na inicio, segun e denunciante, el a haya straño cu e huurdo no a bini cu su casa biba den e apartamento y tampoco e esposo a baha ora cu el a bin mira e espacio.
Despues e problema a sigui ora cu sra. Francois a mira cu e hendenan eyden ta personanan supuestamente ilegal. Debidamente el a haci reclamo na e huurdo, kende a splica cu e hendenan aki ta den proceso di peticion pa asilo.
Pero tambe a haya problema cu conexion di meter di awa cu, segun e ta bisa, a haya ayudo di un hende di dje den WEB pa haya conexion di meter di awa. Un problema cu e denunciante ta bisa cu e no por compronde. Inicialmente ta bisa cu e huurdo no por haya conexion riba su nomber y toch esaki a tuma luga despues. Y despues cu e huurdo a sali, su meter si a keda conecta pero a kita esun di yiu di doño di e apartamento.
Despues cu el a mira cu tin hende straño ta bin na e apartamento, el a dicidi pidi sra. Vrolijk pa bandona e luga y cu e ta dun’e dos siman di tempo pa sali di e luga.
Ora di salida tambe a haya problema, pasobra no solamente el a pidi e deposito pero a exigi parti di e luna cu el a paga y cu e no a biba eyden bek. Hasta e supuesto casa di sra. Vrolijk, segun e denunciante, a pone cu nan a manda yam’e na Warda di Shaba pa papia riba e asunto. Esaki mientras cu e ta kere cu e no tin ningun deber pa debolbe e placa. Apesar di esey, prome cu nan a manda yam’e, a bisa cu e lo debolbe e dianan cu e no a biba den e apartamento.
Pero e sra tampoco a cumpli cu e exigencianan di e contracto pasobra e no a entrega e yabi. Y den e contracto ta para cu pa cada dia cu no entrega esaki, ta cobra 50 florin, ademas cu el a laga un cashi bieu den e apartamento.
Loke e tin problema ta cu despues cu el a logra saca e sra. Vrolijk, esaki a manda dos otro hende pa trata di huur e apartamento atrobe, pa den forma indirecto e huur esaki toch.
E denunciante ta pidi pa e señora lague na paz, e no por huur e apartamento pasobra cada biaha e ta manda su hendenan, manera e Mildred cu el a manda, pero cu mientrastanto no ta eyden tampoco.
