PDVSA tin e siman aki un preoupacion hopi mas grandi. Dia 27 di April, esta mañan diabierna, e tin cu paga 107 miyon di dollar na creditornan cu a adkiri e bononan di PDVSA 2020; si e no logra, e estado Venezolano mester cede 50,1% di e accionnan di Citgo, su filial na Merca.
Jose Guerra, economista y diputado di e Asamblea Nacional, a yama gobierno nacional pa paga e debe of tuma accion al respect9o, sino e pais lo perde un di su principal activonan den exterior.
“Mi ta suplica PDVSA pa paga pa asina e creditornan no keda cu Citgo. E lo ta un traicion na e patria pa perde Citgo,” Guera a agrega riba su cuenta di Twitter, kende a adverti tambe riba e otro debe di PDVSA.
E parlamentario a señala cu e no ta contento cu awo PDVSA tambe mester paga directo door di a perde den un disputa hudicial cu e empresa di exploracion ConocoPhillips.
E Camara Internacional di Comercio a tuma e decision aki y a oirdena e estatal Venezolano pa paga 2.04 biyon di dollar pa compensacion na ConocoPhillips pa a expropia di forma forsa e bienesnan di e compania den e Faha Petrolifero di Orinoco na 2007.
Conoco no tin planea pa keda cu e suma aki solamente, debi cu su reclamo ta di 17 biyon di dollar. P’a esey, por busca pa paga cu e accionnan di Citgo; un situacion complica debi cu e creditornan di e bononan di PDVSA tambe kier pa cubri e impago di e gobierno cu e compania aki.
