Diamars anochi alrededor di 7:20pm diferente persona a bati alarma p’un caso di menasa cu supuesto arma di candela cerca di Centro di Bario Dakota. Ta trata di e conocido Calbas, cu tin e bario di Dakota y Tarabana terorisa. Ora polis a presenta den e area, a topa Calbas y su gang den Macubaristraat.
A busca pero no a topa cu e arma di candela. Parce a haya un articulo skerpi riba nan. Pa pendiente mas investigacion relaciona cu menasa, a detene tur cinco persona. A kita e baisnan for di nan mirando cu tabata core bais sin stuur y a transporta e hobennan pa warda di polis.