Diahuebs atardi Polis a bay pura den direccion di Win Lee Supermarket den Weststraat. A drenta informacion cu tin un pelea formal cu palo etc.
Ora cu Polis a yega na e sitio a resulta cu chinesnan a lanta contra un adicto ambulante cu a bin cambia un caha di boter di cerbes bashi. E adicto a yega cu e caha di Chill pa haya 4,80.
Pero su actitud fresco a causa cu e chines no kier atende cune.
Parce di otro chollernan si e ta cambia. Dor cu e chines a nenga di cambia e boternan, el a rabia dal e porta kibra e glas. E chinesnan a bay den accion mesora cu palo den man pa atende cu e adicto.
El haya basta sla. E slanan tabata bisto na su curpa. Polis a atende cu e partidonan. A scucha e adicto tambe y a mira kico a sosode. A detene e adicto pa destruccion y dos chines pa maltrato entre otrocu arma.
Den dos diferente dogcatcher a bay cu e sospechosonan warda di Polis. Eynan lo cuminsa un investigacion. E chinesnan no ta papia ningun otro idioma cu ta chines.
Eynan Polisnan lo mira con ta bay haci milager pa logra haya hende pa yuda den e proceso di interogacion. E chinesnan di Win Lee no ta haci wega. Ken cu bin haci un of otro abuso den nan localidad ta haya sla.