Practicamente mainta caba un chauffeur a causa un accidente dilanti un club nocturno y su intencion tabata di keda na e sitio. Pero a atrap’e.
Tabata diadomingo den careda di 5:55 AM cu e chauffeur aki di un Ford Figo color oro nrA-61107 a bay sali di e parkeerplaats di Lekker. Naturalmente saliendo na e ora ey for di e discoteca no ta spera cu e ta den bon estado. Y esey tabata e caso pasobra el a bay dal contra un Honda Fit color blauw A-64937 cu tabata staciona.
E chauffeur a haci intento pa bandona e sitio. Pero pa su mala suerte un patruya tabata pasando y a mira esaki. Mesora a bay atende cu e chauffeur.
A resulta cu e chauffeur tabata pata pata burachi y ora cu a pone supla y a surpasa el a laga e limite leu atras. A detene y transporta pa warda di polis. Mientras cu polis a bay controla den e auto a encontra un basta droga den e auto como cocaina y mas. A tuma tur esaki den beslag.
