Tur cos a cuminsa alrededor di 2:50 pm ora cu chauffeur di un Mercedes Benz color cora numera, A-4166 a hit and run. Comosifuera poco e chauffeur a haya ta bon di sigui core no obstante cu su taira dilanti tabata kibra y riem tabata rasca riba caminda. A sigui e auto y a logra topa cu ne cerca di e dam di Tanki Leendert.
Na yegada di polis a topa cu e chauffeur sinta den auto compaña cu su boter plat Palmera. Polis a pidie pa sali di e auto, casi e no por a para riba su pianan. A bay over mesora n’e proceso di detencion. Den un transporte policial a hib’e pa warda di polis caminda lo present’e dilanti un subfiscal.
E reto no ta cu bo tin problema di alcohol of droga, sino cu tin ayudo, Mescos cu bo, tin hopi otro ciudadano cu tabatin of tin e mesun problema cu bo y cu ta dispuesto pa comparti cu bo nan storia di exito, cu awe nan ta liber di alcohol of droga. Ta un grupo cu ta topa diariamente na diferente sitio, pa esun sostene e otro y hunto laga e bicio, cu ta caba cu bo famia, bo carera laboral y sin lubida bo salud.
Alcoholic Anonymous Aruba ta existi pa hopi aña caba y tin reunionnan diario, tanto na nan clubhuis na Sabana Liber na Noord of na Weg Seroe Preto na San Nicolas. Pa mas informacion di orario di reunion of pa por bel y papia cu un boluntario, subi e website: www.aa-aruba.org. “Hende no ta cambia pasobra nan a mira e luz. Nan ta cambia pasobra nan a sinti e cayente”.
