Diabierna banda di 2:00 di atardi a sosode un accidente na altura di Cashero den cual tabatin un baby envolvi. Segun por a compronde, e chauffeur a baha caminda dal den cura di e cas Cashero 55. Prome informe tabata di un accidente grave cu hende herida.
Polis a yega haya un auto hopi kibra. Den e auto tabatin un baby cu a sali ileso danki Dios. E tabata den su childseat. E chauffeur a resulta di ta basta bebi y polis a detene. E auto no ta sirbi mas. Awo e tin auto kibra y cura pa drecha despues di atende cu e problema cu polis.
Personal di Ambulance a presenta y nan a atende cu e criatura y e chauffeur pa mira si nan ta ok. E impacto tabata fuerte y e chens tabata grandi cu nan por a keda herida.
