Diadomingo anochi un chauffeur a pasa un susto grandi riba Watty Vos Boulevard, den bisindario di Kooyman, na memento cu el a perde control. E no a haya sla pero e auto a haya hopi daño.E chauffeur den su Ford Explorer tabata coriendo riba Watty Vos Boulevard (WVB) rondi di 10’or di anochi.
Dado momento el a yega hopi cerca di e rand di e caminda y a dal den e acera. Aki ta caminda cu el a perde control.Den su maniobra pa controla e vehiculo, el a sigui perde control e auto a pasa ranca un mata y a pasa bay over na e otro banda di caminda. Den su di dos intento pa controla el a bay pega riba e yerbanan.
E chauffeur a nenga asistencia medico, apesar cu e tabata keha di dolor banda di su ribchinan, probablemente di e golpinan ora di e maniobra e vehiculo. E cabayero a yama un familiar bin buske, pero na ultimo por a nota cu e tabata sinti hopi dolor y no tabata por a cana bon.E auto a keda cu basta daño material pero awo lo tin cu chek cuanto e lo tin cu paga pa e dañonan cu el a ocasiona riba WVB.
