Diamars atardi polis tabata man yen cu accidente, pero asina mes a gara hende ta kibra ley di trafico. Mientras cu tabata atende cu e accidente n’e rotonde di Watty Vos Boulevard, polis a duna señal na un chauffeur femenino pa stop.
Aki a bay over na dun’e boet debi cu e tabata stuur auto y na mes momento tabata haci uzo di su celular. Como cu e tabata bezig cu e telefon, e chauffeur casi a dal e polis n’e rotonde.
Di biaha polis a hala atencion di e chauffeur di e Chevrolet shinishi number A-44236. A papia cu ne riba e consecuencia di ta stuur auto cu celular den man y no ta pone atencion riba trafico. A dun’e boet p’e echo aki.
