Diamars atardi, despues di 6:30 pm, a sosode un accidente riba e caminda di Hooiberg. E accidente aki tabata entre un Toyota Camry color bruin y un Chevrolet Spark color cora.
Polis a presenta na e sitio pa asina atende cu e accidente aki. mientras polis tabata atende cu e accidente, a pidi asistencia di ambulance. Den e accidente aki un ser femenino den e Chevrolet a resulta herida. Ambulance a yega n’e sitio y di biaha e paramediconan a bay atende cu ne.
Tanto Nagico como Forensys a presenta n’e sitio pa asina documenta e accidente aki p’e companianan di seguro. Mientras tabata atende cu e accidente aki, polis a cera e caminda y tabata dirigi tur hende pa bay bek. Ambos auto a ricibi daño material.
