A ta nos den un otro fin di siman caminda nos team di 24ora ta ful rond di e isla pa percura pa informa comunidad riba tur suceso cu ta pasa sigur den oranan laat di anochi. Diasabra marduga, den e caso aki polis a presenta na altura di Turibanda caminda un chauffeur di un Suzuki Swift nrA-18103 a basha un cura di cas abao.
E chauffeur despues a bandona sitio na pia, lagando basta daño n’e cura di cas y hasta kibra un meter di awa. Despues cu polis tabata tuma datos di e sucedido, e chauffeur a presenta cu su mama na e sitio, pa admiti na polis y tuma responsabilidad pa su accionnan, cu ta el a dal e auto. A hala su atencion mirando cu el a bay for di sitio na pia pa despues bin bek.
Takelwagen tabata necesario na sitio pa asina takel e auto mirando cu e auto no por a move mes, kedando completamente destrosa n’e parti dilanti.
