Djasabra 28 di sèptèmber CHATA a organisá e final di e kompetensia di bartènder na e evento di Flavors of Curaçao. Un total di 6 bartènder a partisipá den e kompetensia aki pa asina bai ku e premio di bartènder di aña 2021.
Tur aña CHATA ta elehí un bartènder nobo pa forma parti di e tim kulinario di Korsou. E bartènder aki ta kompetí den e kompetensia internashonal di Taste of the Caribbean. E aña aki CHATA ta elehí e bartènder ku lo representa Kòrsou na 2021. E bartènder aki tambe lo kompaña e tim Kulinario den e kompetensia di Taste of the Caribbean 2020 komo trainee, mientras ku Brenton Balentien, e bartènder di aña aktual ta kompetí.
E bartèndernan tabatin un siman intensivo ku diferente workshop i kompetensia den varios kategoria. Djamars e bartèndernan a risibí un workshop na Papagayo Beach Club serka Raakesh Madoo (Trinidad & Tobago) hurado prinsipal di Taste of the Caribbean i tambe Marv Cunningham (Bahamas) hurado di Taste of the Caribbean. E kompetensia a kuminsá djarason ku kompetensia di bebida no-alkoholiko i ròm, siguí pa kompetensia di vòdka djawebs, i un kompetensia ku ingredientenan sekreto riba djasabra na e evento di Flavors of Curaçao.
CHATA ta orguyoso pa kompartí e resultadonan di e kompetensia di Bartender 2020/2021:
Rileyson Frans (Koraal Rooftop Terrace) | Bartènder di aña 2020/2021 |
Rileyson Frans (Koraal Rooftop Terrace) | Mihó vòdka |
Rileyson Frans (Koraal Rooftop Terrace) | Mihó bebida ku ingredientenan sekreto |
Rileyson Frans (Koraal Rooftop Terrace) | Mihó ròm |
Bryan Dorotaal (Avila Beach Hotel) | Mihó bebida no-alkoholiko |
CHATA ta yama un danki speshal na Licores Maduro patrosinadó principal di Curaçao Culinary Team.
Pa mas informashon tokante e tim Kulinario bishitá e wèpsait www.chata.org of bishitá nos facebook page www.facebook.com/CHATACuracao o https://www.facebook.com/curacaoculinaryteam/
***