Nos tur ta envolvi y ta forma parti di e bataya entre bon y malo, entre morto y bida y nos tin e responsabilidad pa ta Pro Bida. P’esey: Comision Pro Bida di Parokia Birgen di Fatima Dakota ta bolbe presenta na The Movies @ Principal, na San Nicolas riba diamars 8 di october pa 7 or di anochi y riba diahuebs 10 di october na The Movies @ Renaissance e pelicula: “Unplanned” – No Planea”.
Entrada ta solamente Awg 10.00 pa persona y luga ta limita. Aki ta sigui un sinopsis di e Pelicula.
KICO EL A WAK A CAMBIA TUR COS
“Unplanned” – No Planea, ta e historia inspiradora y berdadero di un señora su biahe di transformacion.
Ali Abby Johnson semper tabata desea pa yuda hende muhe. Como e directora di mas hoben di e Clinica di “Planned Parenthood” na Estadonan Uni, e tabata envolvi den mas cu 22.000 aborto y di duna consulta na un cantidad incontabel di hende muhe, tocante di nan eleccion reproductivo (pa por duna luz na un yiu). Su pasion rond y tocante di e derecho di scoge pa un muhe; hasta a conduci Abby Johnson pa bira un portavoz pa “Planned Parenthood”, bringando pa promove legislacion pa e causa cu e ta kere profundamente den dje.
Te cu un dia el a wak algo cu a cambia tur cos. Abby Johnson a uni na su enemigonan di antes di- 40 Dia pa bida -, y a bira un di e charlistanan mas ardiente di pro-bida na Merca.
Pa bo informacion “Unplanned” – No Planea -, ta e pelicula di mas importante cu pa algun biaha lo bo wak e tocante di e tema mas controversial den nos tempo. No laga e pelicula aki pasa bay sin wak e!
Na nomber di e Coordinadora di Comision Pro Bida di Parokia Birgen di Fatima Dakota.