Nos strea di cuater punta riba bandera tabata e inspiracion principal pa e diseño original cu Marietje Printing ta presenta pa loke ta e temporada di nos luna nacional 2023. Mescos cu e cuater punta ta simbolisa e cuater puntonan cardinal (zuid, noord, west y oost), den e creacion aki tambe Marietje Printing kier a resalta cuater di e industrianan mas grandi cu ta sirbi como motornan di nos isla su economia: aeropuerto, hoteleria, turismo, crucero y cultivo di aloe, sin laga afo nos shoco autentico.
Tur ta simbolo cu ta yena nos hendenan di orguyo den varios forma y ta p’esey mes Marietje Printing a scoge nan pa pronkia cu nan riba tur e actividadnan cu tin rond di nos Dia Nacional di Himno y Bandera, 18 di maart.
E ta forma parti di dos diseño obtenibel e aña’ki. E otro diseño obtenibel na Marietje Printing ta celebra e reconocemento grandi di nos bunita Eagle Beach como e #1 di Caribe y #2 di mundo. Ambos t-shirt ta un excelente manera di ilustra nos pilarnan economico y asina expresa nos amor grandi pa nos patria.
Aeropuerto ta uno di esunnan miho den Caribe, merecedo di diferente distincion pa su capacidad y nivel di calidad den servicio. E ta prome impresion cu nos bishitantenan ta haya ora di yega Aruba. Semper buscando pa ofrece e miho conexionnan aereo cu mundo.
Nos hotelnan ta conoci pa ofrece un excelente variedad di facilidad y atraccion na e huespednan. Esey, combina cu e servicio unico cu nos hendenan so por ofrece, ta crea e combinacion perfecto pa haci di un estadia na Aruba, uno inolvidabel.
E demanda pa bishita Aruba ta uno cu sigur ta bisto den e barconan crucero ta yega nos waf na Oranjestad. Miles y miles di pasahero ta yega pa haya un smaak di loke nos isla tin pa ofrece y na final di dia ta bay bek cu gana di regresa y conoce mas.
No solamente e cultivo y exportacion di aloe y su productonan, pero e desaroyo di agricultura en general ta uno cu ta halando atencion. Nos hendenan ta keda busca manera di por sigui planta y cosecha mas riba nos mesun tera y nos ta logrando tambe.
Nos shoco ta un simbolo nacional oficial desde 2015. E especie endemico di Aruba ta carga e nomber cientifico di Athene Cunicularia Arubensis y danki na esfuersonan den conscientisacion y proteccion, por mira cada bes mas di dje rond di e isla; esfuersonan cu nos mester keda mantene pa su preservacion. E ta simbolisa sabiduria y conocemento.
Ambos diseño ta obtenibel den tur color y size di bo smaak y riba t-shirt di bon calidad. For di awor caba Marietje Printing ta cla pa atende tur compania y grupo interesa pa haci pedido. Tambe tur hende ta invita pa pasa personalmente e siman aki na Gasparito 10C, pa busca t-shirt pa bo mes, bo famia y amigonan desde 8:00AM te cu 6:00PM non-stop. Por contact nos via telefon 586-8989 tambe.
Marietje Printing tin un trayectorio largo y hopi experiencia den screen printing, bordamento y digital printing. Fuera di esey, recientemente a cambia nan proceso pa uno miho pa medio ambiente. Otro motibo pa bisti bo t-shirt di Marietje Printing cu orguyo.
