Awe nochi pa 7:30pm a pidi presencia di polis den Resedastraat na San Nicolas pa un problema di famia. Manera ta sosode tur weekend, polis ta haya nan cu varios asistencia pa problemanan social cu ta asotando comunidad. Ta comosifuera cu tur hende ta traha den siman, pa regla problemanan den weekend.
Awe ora polis a yega a purba di tur forma pa planta un simia di paz den e famia aki cu tabata memey di un diferencia di opinion pisa. Pero ni con autoridad a purba forsa un proceso di paz, na final un di e partidonan no kier a coopera y a sigui altera cu polis. No a keda nada otro e ora pa deten’e y transport’e pa ward’i polis. Ta conoci cu cel ta calma cualkier problema, hasta esunnan den famia.
