Diasabra marduga alrededor di 1:00 am polis a para un auto marca Toyota modelo Tercel cerca di Backstage den Dr. Henriquezstraat. E auto aki tabata completa destrui na e parti dilanti. A lanta sospecho mesora na e agentenan policial.
Ora a cuminsa check un cu e otro, a resulta cu un rato prome el a hit and run. E chauffeur di e Tercel a ranca un palo di luz, un mata y tubo cerca di Renaissance Hotel. A detene e chauffeur pa djey transport’e pa ward’i polis.
A confisca e auto y hib’ pa warda di polis. A pone personal di Elmar na altura di e situacion. Hasta un luz di e auto a keda benta cerca di Renaissance Hotel.
