Tabata alrededor di 1:30 am ora cu polis a para un auto marca Honda modelo Fit na altura di Subway Santa Cruz. Ta for di un rato caba e chauffeur di e auto aki tabata core hopi malo riba caminda. El a hasta ranca un borchi di trafico na altura di rotonde Santa Cruz.
A detene e chauffeur pa stuur auto bou influencia di alcohol. No a dura mucho cu polis a detene e pasahero tambe mirando cu; na dado momento a bira fresco cu polis na sitio.
E duo mester a comparti un solo transporte policial. E proceso no a bay facil. Mirando cu e chauffeur tabata betra, el a coy un postura den e transporte policial, estilo “mi ta drumi akiden caba.” E otro amigo no por a fit den e transporte policial pasobra su propio amigo tabata drumi cu pia den laira den e transporte policial.
El a haña su mes obliga ta drumi riba su amigo. Preta preta nan a bay direccion warda di polis. E auto a keda stacion band’i caminda.