Den e resumen diario di Departamento di Salud Publico, ta indica cu casonan positivo activo pa awe, ta na 527 caso. Compara cu esunnan di ayera, tabata 538. Aki por mira un bahada, pero no mucho, pasobra ainda e casonan ta keda halto. Ta trata aki di 36 caso nobo di COVID-19, di cual 35 ta residente y 1 no residente.
E cantidad total di testnan ehecuta ayera na e diferente localidadnan entre otro laboratorio di hospital, laboratorionan priva y aeropuerto ta 600 test. ‘Postivity rate’ entre nos residente ta 19%. Cantidad di fayecido relaciona cu Covid-19 ta na 50.
Hospital ta informa cu tin un total di 10 persona interna di cual 6 ta den Cuido Intensivo y 4 riba unidad general di COVID.
Esey ta nifica cu nos mester keda tuma precaucionnan necesario pa preveni e malesa contagioso aki, door di simplemente sigui cu e protocolnan di higiena, laba man frecuentemente, sea cu habon of si no tin, cu handsanitizer, bisti tapaboca y corda mantene
distancia social di 1.5 meter. Tambe no lubida di si bo niester, haci’e den bo elleboog y evita di mishi cu bo man bo
wowonan, nanishi y boca. Hunto nos por caba cu COVID.
