Un rato pasa, alrededor di 5:15pm, polis motorisa ta para un auto marca Honda color cora riba Sasakiweg, numera A-71078, cu a surpasa e limite cu ta permiti pa core. A gar’e ta core riba 150KM. Mesora a dun’e señal pa para. E no por a hustifica pakico el tabata core asina duro.
Segun ley, mester confisca e vehiculo ora surpasa 150KM pa ora. Ministerio Publico ta bay dicidi kico ta e proximo paso pa loke ta e auto aki. Pa awo, e chauffeur tin cu bay paga 25 florin pa cada dia cu su auto keda den warda di polis y como tambe e costo di e takelwagen.
