Manera cu por a tuma nota di e diferente boletinnan di informacion di Departamento di Salud Publico (DVG), e casonan activo di COVID-19 ta keda fluctua. Compara cu dia di ayera, e cantidad di casonan activo tabata 179 y e dia anterior tabata 173. Pa loke ta awe, el a baha te na 161 caso.
Por lo general por bisa, segun e resumen cu un total di 27 persona a recupera, a registra 9 caso nobo di COVID-19, di cual 1 ta no residente, cantidad total di testnan haci ayera tabata 375 (“Positive Rate” local riba dia di ayera ta 15%_.
E cantidad di personanan cu a fayece relaciona cu COVID-19 a aumenta na 49.
Hospital ta informa cu tin un total di 5 persona interna di cual 2 ta den Cuido Intensivo y 3 isola riba piso general.
Ta haci un apelacion na e publico, pa keda mantene nan mes na e protocolnan estableci pa Crisis Team pa nos por baha e cantidad di contagionan te na un minimo.
