Awe merdia polis a bishita varios y restaurant den Playa. Manera ya ta conoci, Gobierno di Aruba a implenta un regla cu awe, Pasco ta cierto negoshi so por ta habri. Entre otro botica, stacion di gasolin, negoshinan den Horeca y tiendanan cu tin hotelvergunnning. Tabatin un bruhamento ken si y ken no por ta habri. Polis a cera De Graça band’i Misa di Playa y tambe Silla Bar. A cera Fafal Supermarket den Caya Frere Arnold tambe mirando cu tabata habri.
Aunke ta bisa cu Horeca por bende, a cera Silla, De Graça y tambe Ban Ban Cafe. Polis lo keda hopi activo awe riba caya pa mira ken si ta habri. A parti varios multa mientras algun a haya un chens di parti di polis.
