Recientemente a tuma lugar e Carousel di informacion ‘Un furturo briyante’ na EPB San Nicolas. Durante di e mainta pa merdia aki varios instancia y fundacion a duna informacion valioso durante di e tayernan na e studiantenan di Unidad Startjaar di EPB San Nicolas. E meta di e carousel aki ta pa ekipa e alumnonan cu informacion y datonan cu ta valioso pa nan formacion como individuo y como futuro profecional. EPB San Nicolas ta hopi gradec na e seminaristanan pa nan colaboracion y apoyo.
E instancianan cu a duna workshop ta:
Famia planea cu e tema ‘Sexualidad na su momento’ duna door di Sr. Shrurman Miliard;
Telefoon pa Hubentud cu e tema ‘EPB un Anti Bullying Zone’ duna door di Sr. Honathan Trinidad;
E Phycologo Johnny Boekhoudt cu e tema ‘Control di bo emocionnan cu tin influencia riba bo comportacion den klas y pafor di klas;
Korpspolitie cu e tema ‘Consecuencia pa muchanan cu ta haya nan mes den problema cu husticia menera problema cu gang, hortamento, posecion y uso arma, menasa hende via social media door di sr. Lito Lacle y sra. Liliana Rasmijn;
SPYH Foundation cu e tema ‘Motivacion, Salud fisico y mental duna door di Miss World Aruba 2018 Srta. Nurianne Arias, M. Sc.
Yoga pa siña e alumnonan con pa calma nan mes y busca nan paz interior door di Sra. Marcelle Meijs;
FADA cu e tema ‘Gaiming, su origen y consecuencianan’ duna door Sr. Arthur Comenencia.
