Susan (50) y Fernando (53) Medeiros ta personanan activo: na nan pais, nan ta “flip” cas (renoba y despues bende nan), pero na Aruba, nan por wordo haya riba jet ski’s, e submarino, of riba e 4-Wheelernan. Anochi, nan ta disfruta bayendo Crystal Casino. Originalmente for di Portugal, e pareha ta biba na New Hampshire.
Susan y Fernando gusta biaha: nan a bay Bahamas, Puerto Rico y Virgin Islands (entre otro luganan), pero ta nan prome biaha na Aruba. Y mientras cu nan tabata canando den Arawak Garden, anfitrion Carlo di Dragonfly Restaurant a yama nan atencion y nan a dicidi pa bay purba e All you can Eat sushi special. Sinembargo, Susan y Fernando a mal compronde e early bird deal y nan tabata mustra na prome instante un tiki desapunta; afortunadamente e gerente a cay di biaha aden y nan a laga e luga sumamente contento. Asina contento, cu nan a bin bek e siguiente anochi pa e All you can Eat sushi (cuminsando pa 4’or di atardi).
E California Roll tabata un big hit cerca e Fernando y e 3 course menu cu e grouper butterfly tabata e cos pa Susan.
Na Dragonfly, e bon y gentil pareha awo ta e faboritonan di e staff. Nos ta spera cu boso bin mas biaha na Aruba. Pasa pret!
