Tin varios medio di comunicacion di deporte cu ta envolvi den caredanan di Drone. E conocido musico Vince Irie tambe ta envolvi den e deporte y ta bayendo hopi bon den dje.
E ta participa den Drone Champions League. Den e deporte aki ta trata di velocidad y tin biaha e drone nan aki ta crash. Y ta algo cu e ta bin mustra na Aruba, diadomingo awo, dia 15 di April.
Tonk a bin cu un di e miho pilotonan di drone na mundo y ta participa den Drone Racing League. Diadomingo awo por mira e caredanan aki di drone.
E careda aki Dino Jogi, kende ta den Team SQG. E ta participa den e liga di ESPN cu ta DRL. E ta un di e piloto di e temporada aki.
Jogi a expresa cu e ta contento di ta na Aruba y ta en espera di e race diadomingo pa bula riba awa y tambe riba beach.
Jogi ta bulando 3 aña cu drone. Ta race profesional tambe pa 2 aña. Te awor aki el a bishita 20 pais durante di su trayectoria como piloto.
Esaki ta e deporte di futuro y Jogi ta contento cu el a bin Aruba. E ta gradici e sponsornan tambe cu a yuda nan bon pa haci e careda aki posibel. Un y tur ta invita pa bin mira e accion di drone racing. Lo bay tin 1 screen cu cuater view y mira cua ta bo piloto faborito y mira ken lo gana. Lo bay tin pilotonan di Hulanda, Corsou y Aruba. Ta echt un competencia. Tin 1100 dollar na premio. E prome luga lo gana 500 dollar, di dos luga 300 dollar, e di tres 200 y di cuater 100. Lo bay pa e titulo di best drone racer pa Aruba.
Corsou tambe lo bay bin pa coy e titulo pero no lo laga esey pasa. Lo percura pa Arubianonan gana. E careda lo tuma luga riba e tereno di ex Bushiri, esta Mambo Beach. Grandi y chikito ta invita pa bin mira e caredanan aki di drone diadomingo awo. Ya for di 10’or di mainta e evento lo cuminsa te cu 8’or di anochi. Bar y cushina lo ta bon surti, asina ta bin pasa un rato alegre. Por participa den simulacronan, test e dronenan y naturalmente e caredanan.
