Dia 22 di September pa 10’or y 15 di anochi, Maritiem polis ta haya melding di kuststation y centrale post cu un tankero a pega den rif banda di Renaissance Island.
Pa 10’or y 45 di anochi boto di polis BP 2 ta yega na e sitio y ta constata berdad cu e tankero “Thayer” IMO-9112131 ta pega pafo di rif algun 100 meter oost di Renaissance Island. Na e sitio a mira tugboat y pilotboot di APA. Personeel Maritiem Polis y personeel Kustwacht a subi a bordo y a cuminsa cu investigacion. E capitan S. SINGH a declara cu pa 7’or y mey di anochi nan mester a bin na pilot station Barcadera cu ta 1.5 nautical miles leu di tera pa topa cu e supply boat “Orion” pa haci 1 crew change. Ora e barco Thayer a yega na 1.5 nautical miles e supply boat “Orion” a bisa nan bin mas cerca pa nan haci crew change. Asina e barco Thayer a keda drief bin mas cerca. Ora cu e barco Thayer a yega na un distancia di 0.4 nautical miles di tera nan a realisa nan ta mucho cerca y a purba haci maniobra pa evita e barco pega riba rif. Pero esey tabata mucho laat y e barco a drief riba un speed 0.4 miles pa ora y bin pega den rif. Personeel di Directie Scheepvaart y Waarnemend Havenmeester tambe a bin na e sitio pa haci nan investigacion. Durante e investigacion personeel kustwacht a haya otro melding y a bay di e sitio. Personeel Maritiem polis a keda encarga cu e investigacion. Durante interogacion. Personeel martiem a constata cu e capitan tabata hole fuerte na alcohol. A pidi su cooperacion pa haci un blaastest di alcohol cual el a duna tur cooperacion. El a blaas 933 UGL. Pa siguridad a lage blaas un biaha mas y a bolbe supla 955 UGL. Cual ta 4x mas cu e nivel permiti den Haven en Rede-/verordening di 220 UGL. E capitan a wordo deteni pa mas investigacion y a wordo transporta pa warda di Santa Cruz. E prome oficial a tuma over e maneho riba barco. Na e momento cu e barco a pega den rif tabata tin 24 miembro di tripulacion total abordo y e barco no tabata tin carga. Su carga normaal ta petroleo. Personeel cu pilot y tug boat a los e barco di rif y riba ordo di waarnemend havenmeester a detentie e barco y a pone na un position west di Aruba pendiente inspectie si e barco ta den bon estado pa sigui nabega y pendiente investigation. E capitan a keda total 10 dia deteni. Durante e dianan ey personeel maritiem hunto cu DNM a haci full un investigacion na posibel daño na naturalesa y resto di investigacion penal. E daño na naturalesa tabata segun rapport di DNM minimal den e area ey cual danki Dios no tabata tin hopi coral. Officier Schwengle tawata officier den e caso aki y OM a leg op un transactie boete pa e capitan/compania pa varen onder invloed. Durante e dianan cu e capitan tabata deteni e compania a manda un otro capitan tuma over e barco. Durante e 10 dianan di investigacion Directie Scheepvaart a kita e detentie di e barco. Mester remarca cu danki Dios e barco no tabata carga cu azeta y e daño tabata limita na naturalesa.
