Siman pasa un boto di bela a sali for di Barcadera direccion lama grandi cu destino final Martinique.
Durante e biahe, e capitán a bira malo y a dicidi pa motibo di siguridad pa bolbe Aruba.
Rescue and Coordination Center (RCC) di Warda Costa a tuma nota di e boto na momento cu e tabata panort di Aruba y despues a manda helicopter di Warda Costa pa tuma contacto cu e capitan.
E capitan a informa cu e kier bolbe e isla pa asistencia medico.
Despues di a haya aprobacion di autoridadnan di Aruba, e velero a tuma direccion di Aruba. Na caminda e motor a daña y e capitan a pidi pa ayudo for di Warda aCosta. RCC a dicidi di manda un Metal Shark na e localidad di velero y lastr’e trece Aruba. Pero a resulta cu no mester alastr’e ya cu e capitan a logra pone e motor funciona. E Metal Shark a escolta e nave te na Barcadera y e capitan a meld su mes na autoridadnan local.