Den e resumen di awe cu Directie Volksgezondheid ta informa cu 20 persona a recupera, a registra un total di 32 caso nobo di COVID-19, di cual 4 ta no-residente. E cifra di no-residente positivo ta ensera esnan no-residente cu ta test na aeropuerto na nan yegada y na laboratorionan prome cu nan bandona Aruba.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 481 test. ‘Postivity rate’ entre nos residentenan ta 15%.
Awe activo tin 329 caso, cantidad di fayecido relaciona cu COVID-19 a aumenta na 68. Palabra di forsa na famia di e fayecidonan. Crisis Team ta analisando e tendencia di e pandemia y e aumento di casonan di fayecimento.
Hospital ta informa cu tin un total di 16 persona interna di cual 5 ta den Cuido Intensivo y 11 riba unidad general di covid. Edad promedio di esnan ingresa pa extra cuido ta 63 aña.
