Un señora di edad avansa a yega hospital ayeranochi laat, cu masha poco rosea. Na hospital a pone mesora riba mashin pa yud’e cu oxigeno artificial y a intern’e den ICU. Un rato despues el a fayece. E ta e unico den su famia cu no a vacuna, lamentablemente. Ainda tin un homber mas cu a perde e bataya contra Covid, cu tambe a scoge pa no vacuna y protehe su mes.
Awe 41 persona a recupera y un total di 154 caso nobo di COVID-19 a keda registra cual 14 ta turista y 140 ta residente. E cifranan aki ta representa un ‘Positivity rate’ bou di nos residentenan di 37%. Cantidad di casonan activo di COVID-19 pa awe ta 986 y cantidad di fayecidonan relaciona cu COVID-19 a aumenta na 113 cu fayecimento di 2 residente cu edad medio, (menos di 60 aña) cu tawata interna di ICU cu lamentablemente no tawata vacuna, condolencia na famianan.
Dato nan ta ilustra subida continuo di casonan nobo cu un average semanal di 113 caso pa dia y un average di ‘positivity rate’ semanal di 32% pa dia cu ta sigui subi.
Hospital tin 40 persona interna di cual 5 ta den ICU, 32 riba piso general, 2 riba piso di maternidad y 1 riba pediatria. Datonan di hospital ta ilustra cu di e 40 pashentnan interna debi na COVID, 11 persona ta vacuna sea cu 1 of 2 vacuna y 29 persona no tin ningun vacuna. Esunnan interna den ICU ningun tin vacuna.
