Mediador di gobierno, Anselmo Pontilius tambe tin su punto di bista riba e aspecto cu tin cierto dunadonan di trabao ta pushando, den un tono menasante cu si trahadonan no vacuna den cierto periodo, nan lo bay over na terminacion di nan relacion laboral.
“Ningun dunado di trabao no mag di menasa ningun trahado den ningun termino,” el a indica y esey ta conta tambe di e otro banda. E trahado tampoco no mag di menasa su dunado di trabao.
Den e caso specifico di vacunacion tambe mester respeta derecho di tur banda. Sinembargo no por obliga e trahado vacuna si e no kier. Y si e trahado dicidi di kita e trahado toch for di su trabao, e no lo haya permiso di Departamento di Labor pa kita hende pasobra e no ta vacuna.
Corte mes ta bisa cu mester respeta e derecho individual di e persona, si mester yega asina leu.
Loke ta mas recomendabel na e momentonan aki ta pa e dunado di trabao bin cu un campaña caminda cu profesionalnan por convence e trahadonan cu no a vacuna pa haci esaki. “Laga bo mes ta convenci pa un experto riba e tereno aki,” ta loke cu mediador a splica.
E punto general ta cu e dunado di trabao no por obliga e trahado vacuna.
Sinembargo e conseho semper ta keda pa vacuna, no solamente pa e trahado mes, sino tambe pa su famia y su coleganan di trabao.
Pa cobertura mas amplio, lesa e edicion di TREMPAN mañan.
