Algo pasa di 4:00pm a dirigi patruya di Polis y Brandweer na un cas na Keito pa un candela. Dos unidad di Bombero a sali cu urgencia. Ora a yega na e sitio a bin topa cu un rommelhok completamente bou huma.
Famia y conocinan a purba domina e candela cu hos di awa mientras Bomberonan tabata cu urgencia na caminda. Ora Brandweer a yega nan por a caba cu e candela completo. Bisiñanan ta bisa cu mester a sinti holo pero no a mira nada te despues di basta rato a scucha zonido di klapchi y a hala e cortina y a mira e candela. E accion rapido a evita lo peor.
