No ta manera. Di e forma aki e caminda principal dilanti e hotelnan grandi a manece awe. Ta papia specificamente dilanti di RIU.
Tin hopi turista ainda ta haci uzo di e area ey pa cana of pa coy bus. E grupo aki mester a cana bay otro punto pa subi bus pa motibo cu e caretera ta inunda.
E problema no ta di e aña’ki ni di aña pasa. Pero di algun aña caba. E parti ey ta un poco abou. Y cu algun yobida e situacion ta bira manera por mira riba e potretnan aki.
A anuncia basta tempo pasa renobacion di e caminda dilanti e hotelnan, entre otro e hotelnan di renombre mundial. Pero nada ainda. E turistanan mientrastanto mester haya e mahos bista aki. Principalmente esunnan cu ta bini di Merca no ta custumbra cu situacionnan asina.
