Siman pasa merdia a paralisa ful e area rond di Holiday Inn Hotel, despues cu a drenta un yamada di menasa di bom na e hotel. A evacua un area y polis a presenta cu un team pa busca e supuesto bom. Despues di un bon rato no a topa nada.
Asina mes e investigacion a sigui di parti di e team di recherche di Noord staciona na Shaba. Ey a logra yega na un sospechoso cu posiblemente a haci e yamada.
Ta resulta cu ta e propio operador di telefon na Holiday Inn Hotel a comete e acto. Ta trata di Nick Tromp cu tin basta tempo trahando na dicho hotel.
Despues di e investigacion, diahuebs team di recherche di Noord a presenta na La Cabana Resort y ey a detene e homber Nick Tromp. No ta conoci si e ta traha eynan tambe. A pone na boei y bay cu ne warda di Shaba pa e proceso di interogacion.
No ta conoci dicon el a yama su mesun trabou y bati alarma falso pa un bom den e hotel. Awo e lo keda sin trabou y cu un record tambe!