Grandi y chikito a presencia e di 11 Caminda di Cruz. Un Caminda di Cruz bibo aki tabata sumamente exitoso. Semper parokia di Dakota a sostene e organisadornan.
Pader Jozef a splica cu tur loke cu Gina Nuboer a prepara, e actornan, tambe e bario di Dakota, por medio di prensa tambe, a participa na e Caminda di Cruz bibo y reflexionando tur cos loke cu Hesus mas cu 2 mil aña pa haci, entregando su bida pa nos tur.
Pa tur hende por haya bida berdadero, bida eterno. Pesey asina aki, yama danki na tur actor, na tur esnan cu a sigui compaña Hesus. Pa 3’or di atardi tabata tin e Santa Misa, compaña Hesus den e rito pascual riba diabierna y awe diasabra. Di e manera aki a biba cu presencia di Cristo cu a mira y cu ta biba cerca nos. E ta biba memey di nos.
Mensahe
Tin cu confia den señor. Laga nos no tin miedo pa acerca Dios. Laga nos entrega nos bida den man di Señor. Pasobra nos bida no tin sentido si nos ta bay leu di Dios. Manera San Pablo ta bisa nos, cu cerca Dios, cerca Hesus, nos por biba na paz.
Di 11 aña
Gina Nuboer sigur ta hopi satisfecho con e Caminda di Cruz bibo a bay. Esaki ta di 11 aña cu nan ta ricibi e sosten di pueblo di Aruba, tanto presente como via e medionan di comunicacion. Pa nan ta un satisfaccion grandi di a mira hopi hende y hopi hoben pa forma parti di e caminda di cruz bibo.
Pa e organisadornan esey ta hopi bunita, pasobra asina sa di e manera aki, evangelisa nos hobennan tambe y nan tambe lo sigui e mensahe cu Dios ta trece pa nos. Tambe a biba e pasion di Cristo na e manera mas real cu ta posibel y cu semper lo keda graba den nan memoria y curason.
Aunke cu nan bira grandi, pero e lo keda graba y nan por keda record’e pa semper y sigui conta e historia di nos señor Hesucristo.
Special
E manera mas real cu ta posibel cu e Caminda di Cruz ta wordo treci dilanti, con ta mira con Hesus ta sufriendo. Con e ta ricibi e sla nan. Tin persona a haya sanger riba nan paña. Berdad e por mustra asina cruel, pero e ta un tiki di loke Hesus realmente a sufri pa nos y realmente el a wanta pa nos na e cruz. Esey nos no tin palabra di gradicimento di loke Dios y Hesus a haci pa nos.
Number 12
Cu bendicion di pastoor Jozef y pueblo di Dakota, awor aki a caba di haya un persona bisa Nuboer cu su nieta lo bay participa otro aña. Cu Dios su poder, duna nan forsa y ilumina nan, cu e Caminda di Cruz Bibo lo sigui pa hopi aña mas.
Cuanto hende
Cu ta prepara dilanti y patras di cortina, incluyendo actor y actrisnan, ta rond di 148 pa 150 persona. Y semper nan ta cla pa confirma pa un siguiente buelta. Si algo bay, nan mes ta pitch in den rol di otro. Esey no tin palabra pa gradici, con nan ta duna parti, ta tuma vakantie esnan cu tin cu traha, pa asina nan forma parti di e caminda di cruz bibo.
