Eric Zievinger y su famia tin mas di 20 aña campando y e biaha aki nan a bay campa na Bushiri. Eynan nan tin basta bon espacio pa campa y pa parkeer auto. E lama ta un tiki mas miho di caminda cu e tabata. Antes nan tabata campa cerca di Ritz Carlton.
Segun Zievinger, gobierno por pone kavel, pasobra hende ta bin keda warda luga y no kier stroba ningun otro hende. Si tin un kavel, a paga pe y bo ta hay’e. E ora no tin problema pa bin warda luga henter un anochi, prome cu e temporada cuminsa. E ta haya cu esey ta un solucion. Si nan kavel’e tanto pida pa tanto hende e ora mas hende por bay Bushiri hasta.
Bushiri tambe ta hopi bon pa campamento, e ta pensa. E ta cerca di cas y tambe supermercado. E ta hopi mas cerca cu Eagle y Ritz Carlton tambe.
Parti pariba, segun Zievinger, ainda nan no a bay. Pasobra parti pariba tambe nan ta coy luga. Si tin un kavel cu a haya pariba, e ora e por bay pariba. E ora ta sigur. No mester bay warda luga cada biaha, perde tempo of mester tin hende pa wak luga, bo por haya problema cu hende, etc.
Tabata tin algun problema na comienso cu bisiña, pero a bin na un acuerdo pa bay pariba di dje, aunke cu e tin un permiso di 10 meter leu for di e cura di Tamarijn. E no mester mata pa tapa solo mirando cu e tin tent, pero e bisiña si mester di mata.
