Diabierna 30 di september a lansa den esfera festivo Cafè The Foyer na Cas di Cultura. Den e afan di habri su portanan pa mas publico y provee mas variedad di opcion di desayuno y lunch den bario y den Oranjestad, Cas di Cultura a dicidi di introduci un concepto nobo den e ramo di cuminda liviano.
E toke cultural lo wordo duna door di ofrece un esfera ameno pa sinta, den foyer di Cas di Cultura, y na mes momento tin un conexion cultural den e concepto di e menu. Pa esaki a dicidi di duna baluartenan y pilarnan di Cas di Cultura un lugar riba nos menu. Gerencia di Cafe the Foyer ta hopi honra cu nan a gusta e idea aki. Pues orguyosamente nos ta presenta ‘Juff Maybe’s Melody’, ‘Diana’s Grand Jeté’ y ‘Rufo Wever’s Pan Cayente’, ‘The Hopmans-Bryson’, ‘Vale’s Laughing Tuna’, ‘Classic Jan Beaujon’ y ‘Caricia’.
E menu ta consisti principalmente di sandwich, salada y pa tur sabor, esta pa esun cu ta come vegano te cu esun cu ta come carni of pisca. Cada tanto tempo lo cambia e menu tambe pa reconoce otro figura importante di nos tarima cultural
Café The Foyer ta habri di dialuna pa diahuebs di 9:00 am pa 3:00 pm y diabierna nan ta rek e te den weekend di 9:00 am pa 8:00 pm! Un biaha pa luna riba diabierna lo tin entretenimento tambe. Café The Foyer tin su propio Facebook page y Instagram!
