Coalicion na Aruba ta bringa pa un tipo di kwijtschelding of dispensacion di e placa cu nan a haya durante pandemia fo’i Hulanda como un prestamo p’asina por pasa door di e temporada dificil aki.
Segun secretario di estado, Alexandra van huffelen, te asina leu, e no a scucha di tal echo, cu Aruba kier pidi p’esaki. Loke si el a scucha ta cu Aruba a reconoce e financiamento y kier paga bek.
E lening aki ta caba na october di otro aña. Mientras tanto lo bay dialoga cu otro cu lo sigui riba e finansas publico.
Loke e ta haya importante pa Aruba ta p’e finansas publico ta na ordo, cu ta corta den e presupuesto, pero toch pa tin medio disponibel pa por ehempel haci pago riba tereno di mehoracion di enseñansa, pa cuminda, percura pa pak aan cierto problematica den sociedad. Y vooral tambe, cual ta un di e temanan mas importante, cu e entrada aki ta realisa y cu hende paga belasting y p’e sosode naturalmente p’e esunnan cu tin un miho entrada (bredere schouders), pa gobierno tin e miho cosnan pa haci p’e pueblo.
NO TIN ESPACIO AINDA PA KWIJTSCHELDING
Segun van Huffelen awor aki e no ta na ordo pa tin un kwijtschelding, ya cu nan a caba di duna un lening y paga durante e pandemia, pasobra Hulanda kier sostene varios pais, enre otro aruba. E pandemia a haci un daño enorme. En berdad lo bay papia riba e tema aki si, aunke ta mucho trempan pa por specula riba dje.
