Diamars mainta pa mas of menos 7:30 am, a drenta informacion cu un mama y su yiu chikito lo tabata envolvi den un accidente na Nuñe. Di biaha polis a bay na e sitio y a bin haya e mama tira abao y un mucha sinta. Nan lo a cay cu scooter. Mesora a cera caminda pa asina personal di ambulance por duna nan asistencia.
A compronde fo’i bisiñanan cu un cacho brabo a sali fo’i mondi cu e intencion di morde nan. Esaki a haci cu e dama a spanta y a perde control di e scooter y a dal abao. El a golpia su cara y curpa.
E mucha tambe a resulta herida cu diferente rasca na su curpa, pero afortunadamente e tabatin helm bisti cu a scap’e di a haya sla na cabes. E por a lanta cana subi e ambulance cu propio forsa.
Polis a papia cu algun di e bisiñanan pa mira si nan sa di ken e cacho brabo por ta, pero nan no por a bisa nada.
