ODEA como Organisacion di enfermeronan di Aruba ta felicita cada nurse di Aruba cu nan siman di enfermeria. E aña aki a scoge pa e ta un luna di celebration. Aña pasa nos no por a celebra manera custumber y e aña aki un biaha mas esaki ta e caso.
Banda di pandemia nos siman ta cay den campaña pa ellection pa un gobierno nobo y dia di Mama cu ta e ser mas importante den cada hende su bida. ICN (International council of Nurses a scoge e thema: “Nurses: A Voice to Lead – A vision for future healthcare”. Den 2021 ta premira cu enfermeria lo demostra con lo eleva y transforma nos profesion den futuro. Nan ta declara nurse como: “The frontline warriors”. Enfermeria den su totalidad a demostra di a hala manga mara, bisti nos “protective shields” y traha incansable pa informa, educa, guia y duna e ciudadanonan e cuido cu nan merece.
ODEA ta sigui uza e lema: “keda bo cas, pasobra nos no por”. “Nos no por pasobra nos kier sali fiesta y aglomera, no, nos ta desea di por keda cas y comparti cu nos famia cu no por ta cu nos ora nos ta labora ora nan largo, doubles shifts, tur extra pa cumpli cu e demanda. Nos mester di e break di wak con nos pashentnan ta ansha cu no por respira y dilanti nos ta perde nan batata despues di lucha pa por hala rosea. Nos casonan activo ta bahando y a cuminsa suavisa. Nos ta desea pa tur hende realisa cu nostur a experencia cu for di un caso por sali un brote nos ta bek den un wave cu nos niun ta desea”.
Banda di Thema di ICN, ODEA a scoge e tema pa aña 2021 ta: Who cares for the caregivers? Pa e motibo aki ODEA ta ofrece tur nurse un webinar ofreci door di EDUMAX, cu ta nos colega den enfermeria Raymond Maxwell cu e tema: “Ken Who cares for the caregivers?
Esaki ta online, via zoom, diamars 11 di mei, di 7.30 pa 9:00 pm. E code pa join ta:
Join Zoom Meeting
Meeting ID: 811 5491 7089
Passcode: 534120
ODEA ta invita tur colega pa tuma un rato pa nos mes y scucha di nos colega cu amplio experencia den coaching brinda su coaching den e luna dedica na enfermeria.
Ta pidi tur miembro disfruta di loke nan instituto ta ofrece nan y keda pendiente pa otro siman pa un programa na TeleAruba dedica na enfermeria otro siman 20 di mei 2021 caminda lo invita diferente college cu ta traha den enfermeria y di pa cada sector den enfermeria pa asina hunto por sigui carga salubridad door di e pandemia aki. Enfermeria ta consciente cu ta hunto ta traha den salud publico cu nos no por duna cuido, sin nan participation y sosten di cada sector cu ta traha den enfermeria. ODEA ta conta cu participation di nos enfermero y enfermeranan na e lezig aki cu nos college ta ofrece na nos cada un. ODEA ta gradici EDUMAX pa su disponibilidad pa ofrece e charla aki pa nos tur.