Diaranson, pa mas of menos 12:05 di marduga, ta drenta informacion di un pelea basta grandi na un cas na Matadera y ta pidi asistencia di polis urgentemente.
Di biaha a manda dos patruya na e adres menciona, pero na e sitio, ya tur cos tabata bao di control y no tabatin pelea. Eynan a bin haya tres persona, uno femenino y dos masculino den cura.
Segun cu e personanan a splica, e amigonan a yega na e adres pa asina baha un otro amigo. Pa un motibo of otro a cuminsa cu un discusion caminda cu un di nan lo a coy un boter, a dal riba bentana y a corta su man malamente.
Pero polis no a confia e storia mucho y a keda pone presion pa saca afo kico a basa di berdad.
Finalmente polis a detene e dos amigonan. A detene un prome. Despues cu ambulance a bin y paramediconan a atende esun cu a corta su man, a detene tambe.
Ambos persona tabata mustra basta cansa y ta sospecha cu ambos lo tabata bao di influencia di alcohol.
