Dialuna a yega 9 cabay di Corsow pa por competi durante Feria Betico Croes cual lo tuma lugar na Rancho Bello Amanecer na Papaya.
Transporta e cabaynan ta un proceso cu ta tuma hopi planificacion, caminda mester saca sanger di tur cabay, manda pa test contra enfermedad pa despues Veterinaire dienst por duna e ok pa e cabaynan por drenta Aruba. Tur esaki ta tuma varios siman, pa despues e cabaynan por cuminsa nan viahe.
E cabaynan tur a yega den bon estado y ja a sigi entrenamento pa e competencia. Tur e cabaynan cu a bin Aruba ta cabaynan campeon di Corsow, cual lo bin bataya esnan di Aruba. Ademas lo bin un equipo di por lo menos 20 jinete y amazona cu lo competi. Competencia lo ta riba diabierna y diasabra cuminsando 5or y diadomingo e muchanan lo competi desde 3or.
