Awe tardi pa 6:30pm a pidi presencia di polis na Kashustraat pa un homber, un “asielzoeker”, cu a horta den cas. Parce cu e homber aki a horta varios cos den e cas Kashustraat # 1, manera entre otro flat screen, toolbox, airco, tas y varios articulo mas. No ta na e cas ey so el a horta, sino ta sospecha cu e mesun ladron aki a horta den Botica Dakota tambe.
Na momento di su detencion, polis a puntra e homber, di nacionalidad Venezolano, cu e mes no ta sinti cu e ta fayando e pais cu ta dunand’e tur cos awo den e pandemia aki. Na Rode Kruis e ta hayando ayudo cu paña y alimentacion. Dicon como danki e ta opta pa drenta cas di hende pa horta y den negoshi. E no ta e miho forma pa mustra gradicimento pa e pais cu a brind’e pan riba mesa ora mas e tin mester!
Polis a deten’e na e sitio y a hib’e ward’i polis pa por present’e dilanti un sub fiscal pa por proces’e y dicidi riba su encarcelacion y persecucion penal.
