A yega ora pa minister Andin Bikker y tambe minister Chris Romero pusha duro pa e tirado di pisca no sigui wordo persigui asina pa esnan di Kustwacht. Awor personal di Kustwacht ta core den V-Wagen na costa panort di Aruba pa mira ken ta baha tira pisca entre otro ora lama ta bon.
Esaki a sosode diabierna net prome cu merdia. Personal di Kustwacht cu trabou of sin trabou tin nan salario. Esnan cu ta drenta lama malo na costa panort di Aruba mester pasa den e cosnan aki. E hoben mes ta bisa cu e ta sin trabou y a bay tira pisca pa e por come. Ora cu el a yega tera el a haya su mes cu e situacion aki.
Dos funcionario arma di Kustwacht den V-Wagen gehuur a yega riba nan style di turista. Aunke a purba bay bek den lama, tog e dos miembronan di Kustwacht a purba impedi. Na final a confisca ambos gun y ademas di esey bay cu e pisca cu a ser tira. E ta un dolor. E miembronan di Kustwacht mes a bisanan bay media.
Ademas e miembronan di Kustwacht a bisa cu ta cumpli nan ta cumpli cu ley. Nan ta sinti cu nan mester actua segun ley. Aunke nan mester cumpli y actua segun ley, e cos ta hopi cla cu nan ta core na costa estilo turista cu V-Wagen pa asina purba gara esnan cu drenta lama cu nan gun na costanan panort pa por logra cuminda riba mesa.
E peticion ta bay un biaha mas na minister Andin Bikker y minister Chris Romero pa actua y keda cla mas liher cu ta posibel. Nan kier haci e cambio. Tin diferente forma pa yega Roma y nan sigur por logra esaki mirando nan intencion.
